Pu R. Lalrinawma, Chairman, Mizoram State Law Commission leh Aizawl East - I bialtu MLA ni bawk chuan tukin zing khan Zuangtui Hindi School a hawng. Hawnna inkhawm hi Zuangtui Hindi School Principal BS Chhakchhuak-in a kaihruai a ni.
Pu R. Lalrinawma chuan Hindi zirna school Zuangtui a din a ni chu lawmawm a tih thu sawiin a dintu Pu C. Lalbiakmawia te chhungkaw hnenah lawmthu a sawi a. India ramah sorkar hna thawk tur emaw, sumdawng tur emaw tan Hindi thiam a pawimawh a, Central sorkar pawhin Hindi hi a ngai pawimawh hle a ni. Mizoram tan pawh Hindi zirtirtu post tamtak a rawn pek belh a, Mizoram sorkar pawh Hindi zirtirtu lak belh turin a inbuatsaih mek a ni a ti. Zuangtui Hindi School chu tluang taka kala, sum leh pai hlawkna thlir lova thalaite mamawh thiamna pe tur leh khawtlang mipuite pawhin tawiawm tha zel tura duhsakna a hlan a ni.
Zuangtui Hindi School hi P.Z. Memorial School building-ah zingkarah kal thin a ni a, March 1, 2010 atanga tanin Hindi class IV atanga BA thleng a zir theih a. Tunah hian zirlai 65 awmin Principal 1 leh staff 5 an awm a ni.
Zuangtui Hindi School hi P.Z. Memorial School building-ah zingkarah kal thin a ni a, March 1, 2010 atanga tanin Hindi class IV atanga BA thleng a zir theih a. Tunah hian zirlai 65 awmin Principal 1 leh staff 5 an awm a ni.
