Parliamentary Secretary Pu TT. Zothansanga chuan hlawhtlinna chu mi pangngaite aia pen khat pen peihten an hlawh chhuak thin a ni a ti. He thu hi vawiina Champhai Higher Secondary School Sport Closing Function, Champhai Venglai Community Hall neihah a sawi a ni.
Parliamentary Secretary chuan Champhai khawpuiah Govt. GM Higher Secondary School naupang tawt lutuk tihzia-awmna tura Champhai Chhungte Primary Agricultue Credit Co-operative Society (CCPACS) in HSS a din thei ta chu lawmawm atih thu sawiin, hetata zirlai naupang 200 zet te chuan tun atanga mahni kawng tur dap thiam atul thu a sawi bakah chhawrna-awm leh hlawhtlinna tlang chuang chhuak tur chuan zirlaibu biahlam thiamna chawkluh a ngaih thu leh tumruhna, taimakna leh inpek zawhna a pawimawh a ni a ti a.
Harsatna hmachhawn ngam leh hlen chhuak ngam tura huaisenna neih hi hlawhtlinna rahbi anih thu leh mi hlawh tlingten anmahni an inchawimawi bakah Veng, khawtlang leh ram tan malsawmna anih thu sawiin, Pu TT Zothansanga chuan khawchhak tlangdung mai nilo ram tana malsawmna ni tura tanla theuh turin a chah bawk.
Champhai Higher Secondary School hi Champhai Chhungte Primary Agriculture Credit Co-operative Society (CCPACS) in 2013 a din niin, Sports item chi hrang hrang inelna an neih kharna huna lawmman chi hrang hrang, HDFC Bank Champhai Branch in a tumsak chu Pu TT Zothansanga hian a sem a ni.
