Serchhip District Vector Borne Diseases Control Programme huaihawtin vawin Dt. 19/06/2015 hian Serchhip District chhunga Medical Officer awm zawng zawng te Malaria chungchang in zirtirna 1 Day training neih a ni.

He training hi Chief Medical Officer, Dr. Laldawngliana Sailo kaihhruaina hnuaiah neih niin, Dr. K Lallawmzuala MD, JNH Serchhip leh Directorate of Health Services, Aizawl atangin Dr. Lalremmawii, Dy. Director (Mal); Dr. Zorammuana, M&E Consultant; Deborah Lalpuii, IEC Consultant; B Lalcrossengmawia, Statistical Assistant ten zirtirna an pe.

He training ah hian Malaria laka inven leh enkawl dan in zirtirna neih mai bakah District chhunga hmalakna kawnga harsatna awm thei te leh hmasawn dan turte sawi ho a ni bawk.

Kumin January atanga April thla chhung khan Serchhip District huamchhungah Malaria Vei mi 20 hmuh chhuah an ni.

Tunlai hian State Vector Borne Diseases Control Programme te chuan District hrang hrangah Malaria Do kawngah Trainning pe in an fehchhuak mek a. District hrang hranga Malaria dinhmun leh a dona kawnga hmalak dan tur te zir chiangin tan an la ngawrh hle a ni.