16th September, 2011 (Zirtawpni) khian hmar-chhak state pum huapin Aizawl-ah  Conclave on Rajiv Awas Yojana and Urban Poverty Alleviation neih a ni dawn a; hemi chungchang ngaihtuah hian vawiin chawhma dar 11.00 khan Pu R.L. Rinawma, Commissioner, UD&PA Deptt. pisaah a kaihhnawih department hrang hrangte an thukhawm.

He hun hmang tur hian Pi Kumari Selja, Union Minister of Housing and Poverty Alleviation (MoHUPA) chu 15-17 September, 2011 chhung hian Aizawl-ah a lokal dawn a ni. Union Minister hi MoHUPA Secretary leh Central sawrkara officer pawimawh dang thahnem takin an rawn zui ang. He khawmpui hmang tur hian hmar-chhak state hrang hrang atang pawhin Minister-te leh official an lokal dawn a ni.

Union Minister Pi Kumari Selja hian Aizawl-a a cham chhungin 15th September, 2011 chawhnu lamah Chite Veng-a Mini Sports Complex chu a hawng dawn a ni. He khawmpui hi Mizoram Legislative Assembly Secretariat Conference Hall-ah ngah a ni ang.