Ni 9.12.2011 khan Hmar Students’ Association (HSA) General Assembly Sakawrdai playground ah ropui taka hman a ni. Assembly hmang tur hian India ram state hrang hrang atangin Hmar Zirlai thahnem tak an kal khawm a ni. He Assembly ah hian Pu R.L. Pianmawia, Deputy Chief Whip chu khuallian a ni.

Thusawiin Pu R.L. Pianmawia chuan zirlai pungkhawm zawng zawng te zirna kawng hrang hrang bakah bial hmasawn nan theihtawpa tan la turin a sawm a. Lungrualna, taimakna, tih tak takna nei chunga ram leh hnam hmangaihna thinlung pu chunga hna an thawh zel hi a tul a ni a ti.

Kan hnam culture tradition leh kristianna te hi zah pui miah lova, pho chhuak a, a hun taka nunpui ngam zel turin a fuih a. Kawng hrang hranga hmasawnna tha an neih theih nan lungrual takin zai khatah luang ang u a ti.

Zirlai pawl te hi ram tana thawktu pawimawh in ni a, ram hruaitute nen thawhhona tha nei tur a a beisei thu leh zirlai pawl te pawhin he bial tana an theih ang tawk a, hma lakna te tanpui a thawhpui zel turin a ngen bawk a.

Sorkar hna in min daih seng vek lova, mahni ke a ding thei turin thiamna neih a ngai, Private Company ah leh sumdawnna kawngah hlawhtlinna tam tak a awm tih hre thar tur leh an zirna ngai pawimawh turin a chah. A bik takin NGO leh polical party te lakah in thiar fihlim dan tawk thiam a, rinawm taka mahni thawh tur dik taka ti thin te hi sorkarin a ngai pawimawh thin a ni a ti.

Pu R.L. Pianmawia hi sorkar mi pawimawh engemaw zatin an tawiawm a ni.