No.2034/2021-2022

Aizawl, 28th August, 2021: Conference of Ministers of North Eastern States for Promotion of Inland Waterways/Shipping related activities in North East Region chu nimin August 27, 2021 khan Union Minister for Ports, Shipping and Waterways, Pu Sarbananda Sonawal hovin Guwahati-a neih a ni a. Mizoram Sawrkar aiawhin Transport Minister Pu T.J Lalnuntluanga pawh a tel a ni. 

Conference ah hian hmarchhak biala inland water transport kalpui dan tur leh hei hian sumdawnna leh tourism a hmasawnna a thlen turte sawiho a ni a. Transport Minister Pu T.J.Lalnuntluanga chuan Inland Water Transport hmasawnna tura Mizoram sawrkar hmalakna leh mamawh te tarlangin sumdawnna kawngah leh tourism lama hmasawn na tura Mizorama lui liante hman tangkai a nih theih nan hmalakna tur pawimawh te a sawi a. Khawthlangtuipui, Tuichawng, Tlawng leh Chhimtuipui (Darzo atanga Lomasu) te chu hman tangkai vat a nih theihna turin rawtna a thlen bakah Mizoram lui pawimawh dang pali - Tuivai, Tuivawl, Serlui leh Tuirial te chu hman tangkai a  nih theih leh theih loh enfiah a survey neih hma sak turin a thlen bawk a ni. 

Conference ah hian Pu T.J. Lalnuntluanga hi Pi Esther Lalruatkimi, Commissioner,  Commerce & Industries Department leh Pu K.T. Beicho, Commissioner & Secretary, Transport Department ten an tawiawm a ni.

Attachment

  • Loading attachment...