No.2035/2021-2022

Aizawl, the 27th August, 2021: Tunhnaiah Khawzawl District chhungah Covid-19 positive hmuhchhuah belh niin, veng/khaw thenkhatte chu an dinhmun zirchian a nih hnuah Covid-19 hrileng darh zel tur venna atan inkhuahkhirhna khauh zawk kalpui a ngai tih hmuh a ni.

Covid-19 hrileng inkaidarh zel tur ven nan Pu C.C Lalchhuangkima, Deputy Commissioner & Chairman, District Disaster Management Authority Khawzawl District chuan Section 34 (b) leh 34 (c) of the Disaster Management Act, 2005 tlawhchhanin Khawzawl Vengthar Neuva Section kawng hnuai, Vengthar field atanga Electric veng ramri thleng chu 26.08.2021 atanga thu leh awm hma atan Containment Zone-ah a puang.

Containment Zone chhungah hian a hnuaia tarlan inkhuahkhirhnate hi zawm
ngei ngei tur a ni ang:

1. Tumahin mahni in/compound an chhuahsan tur a ni lova, lirthei hmanga veivah pawh khap a ni. Loh theih loha pawn chhuah leh veivah ngaite chuan VLTF phalna an la hmasa tur a ni.

2. Containment Zone-a luh leh chhuah khap tlat a ni. Loh theih loha luh leh chhuah ngaite chuan Village Level Task Force (VLTF) hriatpuinain la hmasain Deputy Commissioner hnenah phalna dil tur a ni. Hei hian Zonal Officer, Medical duty, Security duty, VLTF leh Essential service hna thawktute chu a huam lo ang.

3. Hemi hun chhung hian Containment Zone-a zirna in leh office-te chu khar tur a ni.

4. Containment Zone chhunga miten ei leh in chungchanga harsatna an tawh loh nan VLTF ten uluk taka an dinhmun thlir chungin eichawp dawr leh bazar hawn chungchangah ruahmanna an siam ang.

5. VLTF te leh Containment Zone-a khawsa, harsatna leh mamawh neite chuan bialtu Zonal Officer/Incident Commander tarlante hnenah an thlen ang.

Incident Commander turin heng mite hi ruat an ni.
1. Pu James Lalnithanga SDO (Sadar). Phone No. 9862447706
2. Pu Malsawmdawngliana, Asst. District Registrar of Births & Deaths & Research Officer.
Phone No. 9362596202