UGC North East Regional Office, Guwahati bultuma Department of History leh Academic Interaction Cell, IQAC, Govt. Aizawl West College tangkawp buatsaih ni hnih awh tur National Seminar chu vawiin khan I & PR Conference Hall-ah tan a ni a. Seminar thupui chu "Hmarchhak state a bikin Mizoram chungchang ziak" a ni.

Seminar ah hian hmarchhak state a bikin Mizoram chhunga Anthropology leh History lam hawi lehkhabu ziak zir ho a ni a, la tarlan ngai loh lam te pawh chipchiar taka chhuia zir ho tum a ni. Mithiam hrang hrangin hmarchhak state leha bikin Mizoram chungchanga thu an ziak tawhte dik tak hmuhchhuah tum leh thangthar zawkte pawhin uar zawka helam hawi an ziah theihna tura tanpuitu ni turin he seminar hi beisei a ni a. Seminar chhung hian mithiam hrang hrang mi 10 thuziak ngaihthlaka zir ho a ni dawn a, mithiam thlanchhuah 10 zinga 4 te phei chu State pawn atanga lokal an ni.