No.3732/2020-2021

Vawiin chawhma khan Border Safety Monitoring Team, Kolasib District leh Sub-headquarters YMA, Kolasib ruahmanna in Phaisen khua ramridep a duty tur Hmarveng Branch YMA atanga Reserve Volunteer Force mi 20-te chu Kolasib DC office tualzawl atangin PuLallawmawma, Addl. DC in a vailiam.

Pu Lallawmawma chuan, hun engemawchen State thenawm te nena kan inrina a kalkhan hrang hrangte vengin Border Safety Monitoring Team leh Sub-Headquarters YMA Kolasib hmalakna hnuaiah Kolasib thalai thahnemtak an thawkchhuah thin chu fakawm a tih thu a sawi a, vawiin ni thlenga YMA member, ram leh hnam tan, tlawmngaihna lan chhuahtir a, vailiam tur an la awm thei zel chu thlamuanthlak leh entawntlak a tihzia sawiin, an chungah lawmthu a sawi nghal bawk a ni.Ruahtui tam lai a nih angin duty-na a an chetvelnaah fimkhur turin a chah a, Covid-19 an dona kawngah natna dang vanga damlohna a an tawhloh nan tha taka inenkawl turin a ngen nghal bawk a ni.

Vawiin duty tur a vailiamte hi Hmarveng YMA member 20 niin August ni 10, 2020 thleng Phaisen-a ramri kalkhan hmun 5 ah an duty dawn a, an lo hawhunah hian Chief Medical Office, Kolasib a Medical Team ten Malaria an vei leh vei loh an lo endik leh vek dawn bawk a ni.Kolasib district Reserve Volunteer Force hnuaiah hian Kolasib YMA town branch hrang hrang atanga member te inziaklutin, May ni 14, 2020 atang khan ramri a duty hi kalpui tan a ni a. A thawhkhatna atan tum 19 fehchhuah niin vawiin hi thawhhnihna kalpui mek a tum 6 kalchhuahna a ni.