No.3733/2020-2021 

Vawiin chhun khan Dr. Thani Pachuau, Chief Medical Officer, Lunglei kaihhruaiin a office chamber-ah Lunglei District-a Covid-19 hrileng do nana volunteer inpe te chawimawina hun hman a ni. Dr. Thani Pachuau hian volunteer te chawimawina certificate leh pawisa fai hlanna a nei a ni.

Dr. Thani Pachuau chuan Covid 19 hrileng avanga Health Department in thawktu indaihlo lai taka hlawh nei lova Labarotory Technician, GNM, Driver leh a tul apiang thawk turin mi 20 leh Agriculture Minister Pu. C. Lalrinsanga’n mi 7 a rawih sak bak ah HPC Vice Chairman Pu Lawmawma Tochhawng in thla hnih chhung atana mi 2 leh Sumo 1 a tula hman atana a rawih sak avangin lawmthu a sawi a. Volunteer te hi Covid 19 do nana an thiamna neih te hman tangkai na chang an hriat avangin lawmawm ati a, an in pekna hi a te lova, tangkai tak leh  hmasawnna tha tak a ni a ti. Covid-19 hrileng do nana front line worker a an tel hi a hluin Health Dept. ah chhinchhiahna tha tak an siam thu a sawi a, nakin zela hna an zawnna ah pawh he chawimawina (Certificate) hi work experience  tha tak leh tangkai tak ni turah a ngai a ni.  Covid 19 reh hma chu inhnukdawk lovin tlawmngai taka Lunglei District hmasawnna tura thawk zel turin a sawm bawk a ni.  

Dr. Lalrinthangi, SMO, Lunglei pawhin thu sawiin Covid 19 do nana Volunteer a inpek avangin lawmthu a sawi a, Covid 19 hri chauh nilovin natna hrang hrang lak ah mahni veng leh khua tana  hriselna lama hmalatu tangkai tak ni turin a chah a, an awmna veng Sub Centre a thawktu te indaihlona ah  puih theuh turin a chah bawk a ni.