Mizoram State Commission for women buatsaihin nimin khan Parish Hall, Kolasib ah 'Legal Awareness Programme on Laws related to women' neih a ni a, Kolasib DC Pu R Zarzosanga chuan khuallian niin a hmanpui.

Dr. Lalrindiki T. Fanai. Member MSCW kaihhruaiah hian Pu R. Zarzosanga chuan thusawiin India hian dan tha tak kan nei a, hei hi kan hriat a ngai tih sawiin Kan inhumhimna tura Dan kan neihte hi kan hriat a ngai a, Dan hre tur chuan lehkha kan thiam tel pawh a ngai a. lehkha thiamte hian mitinin chanvo kan neihte leh kan in humhimna tur angte hi hre tura kan bih peih a ngai a ti.

He hunah hian Pi Zodinthangi Member Secretary MSCW chuan Mizoram State Commission for women kalphung leh an hmalakna turte a sawi a. Pi Margareth Zohmingthangi IAS (Rtd) chuan inlawmna thu a sawi bakah Prof. Zokaitluangi, MZU pawhin thu a sawi a, Dr T Vanlaltani, Member MSCW in lawmthu sawiin Programme hi a khar a. Chawhnu lamah YMA, MHIP leh VC atanga Training tura kalte chu Pi Sylvie Zomuanpuii Ralte, CJM Kolasib, Member MSCW leh Prof. Lalneihzovi, Member MSCW ten zirtirna an pe a ni.