Vawiin khan Hmeichhe Ni, International Womens Day,“RUSA EQUITY INITATIVES programme, 'Danglamna thlen turin huaisen rawh' (BE BOLD FOR CHANGE) tih chu, IASE Auditorium, Republic Vengthlang-ah hman a ni in Mizoram State Women Commission Chairperson,  Pi Vanlalawmpuii Chawngthu in a hmanpui. 

Mizote hnam a kan chian angai a. Mizo hnam kawr leh hnam thuam a inbela lungawi mai lovin kan thinlung a mizo angai, tih sawiin, Pi Vanlalawmpuii Chawngthu chuan,  kan hnampui Mizo ngei nupui pasal a kan inneih zel a pawimawh. Kan hnam kal zel tur ngaihtuahin, kan Hnam zahawm taka a din chhuah theihna turin hnamdang nupui pasala nei loa, keimahni Mizo hnam ngei kawppui atana neih a tul, a ti a,  Mizo nula/tlangvalte  tluka hnam hmeltha leh huaisen an awm chuang lo, a ti. 

Khuallian chuan, Mizo hmeichhiate tan politics a hmun lailum chan a har tih sawiin, hmeichhiate pawh politic a  hlawhtling  turin theihna hman thiam a, rintlak tura tan a ngai, Mizo mipaten ram hruaitu atana an pawm ve theih nan mipate tihtheih ang tih theih ve tumin, hmantlak a awm ve a ngai a. Pathian rawngbawlna peng pawimawh tak a ni tih hria a,  politics ah mi tha leh piangthar te zuan luh zel hi ram tan a pawimawh a ni tiin Hmeichhe tam takin mipa tih ang ka ti thei, an ti mai thin a, mipa tih ang ti thei hian, hmeichhe lu chu mipa ani tih hriat hmasak a ngai, a ti bawk. 

Dr. Ngurthankimi, Associate Professor in inkhawm hi a kaihruai a, Dr. Vanlalhruaii, Principal, IASE leh Nula Zochhuani, RUSA Institutional Co-ordinator, IASE ten thu an sawi bawk.