Social Welfare Minister Pu PC Lalthanliana chuan MHIP Hnahthial Block Silver Jubilee(1991-2017) lawmna programme a hman pui. 

He inkhawm hi market building, bazar hnahthial ah hman a ni a, inkhawm hi President Block MHIP Pi Lalhmuchhuaki'n a kaihruai a, block hnuai a joint MHIP leh Branch atangin member an kal tha hle ani.Hnahthial block MHIP hnuai ah hian Branch 39 leh Joint MHIP 2 (Pangzawl leh Thingsai) a awm ani.

Pu Mathana chuan thu sawiin MHIP Hnahthial Block Silver Jubilee duhsakna leh lawmpuina'n Rs 10000/- hlanin Mizo hmeichhia te dinhmun chu Pu Lal Thanhawla kaihhruai sawrkarin a ngaipawimawh tih sawiin an tana hamthatna sawrkarin a siam hrang hrang te a tarlang bawk ani. 

MHIP te chu chhungkua a an rawngbawlna leh mawhphurhna pawimawh tak chu a hmasa bera dah reng chunga NGO leh Kohhrana in hmang thin turin a chah a, duhzawng leh it zawng ringawt a in tlak ral lo turin mamawh dik tak chauh ngaipawimawh i la chu chuan kan chhungkaw tan intodelhna thar a thlen thei bawk in chumi ti tur chuan NUHO hi a pawimawh ber in ni e tiin MHIP member 500 chuang kal khawm te chu a chah bawk a ni.