Hmeichhiate chunga hleilen duhlohna campaign, ‘Fortnightly Campaign On Violence Against Women ‘ cum ‘North East Regional Level Consultation on Gender Violence’ kharna inkhawm, Central YMA Hall, Tuikhuahtlanga neih chu vawiin khan Chief Minister Pu Lal Thanhawla chuan a hmanpui. He campaign hi MHIP Gen Hqrs, Association of Theologically Trained Women of India, Panchayat Mahila Shakti Abhiyan Core Committee leh Centre for Peace and Development tangkawp ina buatsaih a ni.
Chief Minister chuan UN Gen. Secretary lo ni tawh Kofi Annan’an mihringte rahbehna raurauah hmeichhiate chunga hleilenna hi thil zahthlak ber a ni alo tih thin leh Amnesty International pawhin mihringte rahbehnaah, hmeichhiate chunga tharum thawhna a hluar ber a tih chu sawilangin, khawvel ram tinah hmeichhiate chungah hleilenna hi a thleng a, enganga changkang pawh ni ila hetiang dinhmuna kan awm chhung chuan intlukna te, hmasawnna te leh remna leh muanna te in awmzia a nei tak tak lo a ni a ti a. A tireh turin mitinin mawh kan phur a ni a ti. Hetiang thil thleng chungchangah Media te chu an thu ziahah fimkhur thin tura chahin, thil engemaw ropui tak anga chhuah (sensationalized) hian journalism ethics a bawhchhia a, khawtlang pawhin kan dem zawk thin tur a ni a ti.
Pu Lal Thanhawla chuan Mizote kan vanneih bikna sawilangin, tawng khat - Mizo tawng hmang, sakhuana thuhmun leh caste leh dowry system awmlohna kan nih avangte hian hmundangte ai chuan hmeichhiate chunga hleilenna pawh a tlem zawk a ni a ti a. Kan hmeichhiate hi duat thiam deuh phei ila hnam zahawm tak kan ni thei a ni a ti. Hetih lai hian inchhung nu ber hian an fanu te enkawlnaah inthununna lekkawh tawk lova a hriat thu sawiin, mamawh lemlova a hriat mobile phone neite hian top-up lei nana mahni inzuar ta mai an awm nia an sawi thin hian thil duhawmlo zawk min thlen a hlauh thu a sawi a. Inneih nikhuaa neinung zawk ten fanu te an vur lutuk te hian dowry systemah min hnuklut mai ang tih a hlauh thute sawilangin hnam anga kan ngaihtuah angai a ni a ti. Chuvangin he campaign hian Mizote chungah harh tharna min thlentu ni thei se a duhthu sawiin, sawihona an neih chhunzawm turah Chief Minister chuan he function buatsaihtute leh palai kal zawng zawngte chu duhsakna a hlan a ni.
He campaignah hian Assam, Manipur leh Nagaland atangte in palai rngemawzah an kal a. Inkhawm hi Dr,T,Vanlaltlani, Convener & President ATTWI in a kai hruai a. Chief Minister hi a nupui Pi Lal Riliani’n a tawiawm a ni.
Pu Lal Thanhawla chuan Mizote kan vanneih bikna sawilangin, tawng khat - Mizo tawng hmang, sakhuana thuhmun leh caste leh dowry system awmlohna kan nih avangte hian hmundangte ai chuan hmeichhiate chunga hleilenna pawh a tlem zawk a ni a ti a. Kan hmeichhiate hi duat thiam deuh phei ila hnam zahawm tak kan ni thei a ni a ti. Hetih lai hian inchhung nu ber hian an fanu te enkawlnaah inthununna lekkawh tawk lova a hriat thu sawiin, mamawh lemlova a hriat mobile phone neite hian top-up lei nana mahni inzuar ta mai an awm nia an sawi thin hian thil duhawmlo zawk min thlen a hlauh thu a sawi a. Inneih nikhuaa neinung zawk ten fanu te an vur lutuk te hian dowry systemah min hnuklut mai ang tih a hlauh thute sawilangin hnam anga kan ngaihtuah angai a ni a ti. Chuvangin he campaign hian Mizote chungah harh tharna min thlentu ni thei se a duhthu sawiin, sawihona an neih chhunzawm turah Chief Minister chuan he function buatsaihtute leh palai kal zawng zawngte chu duhsakna a hlan a ni.
He campaignah hian Assam, Manipur leh Nagaland atangte in palai rngemawzah an kal a. Inkhawm hi Dr,T,Vanlaltlani, Convener & President ATTWI in a kai hruai a. Chief Minister hi a nupui Pi Lal Riliani’n a tawiawm a ni.
