Vawiin khan Zoram Drivers’ Union Golden Jubilee lawmnaah Pu P.C. Zoram Sangliana, Transport Minister chuan khuallian niin a hmanpui.
Pu P.C. Zoram Sangliana hian ZDU Golden Jubilee lawmnaa kal khawmte hnenah fuihna thu tha tak tak a sawi zingah India ram lirthei awm zawng zawng 0.25% chauh kan la nei chungin harsatna chi hrang hrang kan tawk ve reng a. Kumin 2009 1st January atanga 31st October thlenga Mizoram Road Accident Record chu tum 71 Accident thleng tawhin, mi 44 Accident avanga thi an awm tawh a, 151 -in hliam an tuar a, ni 5 dan zelah Road Accident thleng angin a chhut theih a, ni 9 dan vel zelah Road Accident avangin mi 1 -in nunna hlu tak an chan a, ni 3 dan vel zelah Accident avangin mi 1 -in hliam an tuar a ni. Kum 6 chhung vel chu average-a chhut pawhin hetiang hi Mizoram dinhmun a ni a ti. Heng tawh sual hrang hrang lo thleng thinah hian Zoram Drivers-ten an mawhphurhna hriat chian leh inpekna nasa zawk atanga pumpelh theih anih thu a sawi a. Zu no 2/1 emaw leka an mihring puite nunna hlu tak thleng an phal tur a ni lova, thian chhan nan zu rui chungin Motor an khalh lo ngam tur a ni. Driver chuan huaisen takin zu nam chunga Motor khalh loh ngam a tul a, Motor tha tawk lo, Passenger tana him lo khalh leh, Motor Seat aia tarn Passenger phurh kawngahte, chhum zing kara Motor khalh chak kawngahte a fihlim ngam tur a ni a ti bawk.
Pu Zoram Sangliana chuan ZDU Golden Jubilee kumah hian khawvel sual tlantu Isua chu an thinlungah cham nawntir leh theuh turin a chah a. Remna leh muanna atan leh Ramthim rawngbawlna kawnga an rawngbawlna ropui takte chhuanawm a tih thu sawiin Mizorama Two Wheeler, Taxi leh Bus neitu zawng zawngten sawrkar hmalakna ngaipawimawh a, an thu awihna zawng zawngah lawmthu a sawi bawk.
Minister hian ZDU Golden Jubilee Souvenir a tlangzarh bakah Drivers Senior kum 70 tlingte hnenah Certificate a hlan bawk.
He Golden Jubilee lawmna function-ah hian ZDU hruaituten kum 50 chhunga Driver boral tate hming 242 an chhiar chhuak bawk a ni.
Pu Zoram Sangliana chuan ZDU Golden Jubilee kumah hian khawvel sual tlantu Isua chu an thinlungah cham nawntir leh theuh turin a chah a. Remna leh muanna atan leh Ramthim rawngbawlna kawnga an rawngbawlna ropui takte chhuanawm a tih thu sawiin Mizorama Two Wheeler, Taxi leh Bus neitu zawng zawngten sawrkar hmalakna ngaipawimawh a, an thu awihna zawng zawngah lawmthu a sawi bawk.
Minister hian ZDU Golden Jubilee Souvenir a tlangzarh bakah Drivers Senior kum 70 tlingte hnenah Certificate a hlan bawk.
He Golden Jubilee lawmna function-ah hian ZDU hruaituten kum 50 chhunga Driver boral tate hming 242 an chhiar chhuak bawk a ni.
