Vawiin Dec 9, 2009 hian Pu PC Zoramsangliana hovin Traffic Management Committee an thukhawm a, Aizawl khawpui chhung Traffic tawt leh hrehawm lutuk tihziaawm dan tur tam tak an sawiho. Hemi chungchangah Com mittee chuan Mizo mipuite chu thil tha zirtir nuam tak leh kaihhruai nuam tak, hruaitu thain taima taka a hruai phawt chuan thil tha duh mi an nih avangin, Aizawla motor tawt lutuk tihziaawmna tura Taxi intlanchhawk kawngah pawh thu awih taka zawm thei an nih avangin, Kulikawn – Bawngkawn inkar kawng dunga motor dah tam lutuk tithawl tur pawhin thu an awih theih ngei an ring a, Town Bus te pawhin thu an awih thei zel a, a nuam sawt em em a ni tih an sawi.
Taxi stand tinah veng dang taxi dintir chungchangah pawh harsatna report an hriat loh thu aan sawi a. Veng hrang hranga Taxi Welfare committee- ten anmahni duh thua axi rate an siam a, an hmang thin chu mipui harsatna a nih avangin STA-in rang taka hma la leh se, tih an sawi a; Sorkar motor leh mimal motor number hranpa siam leh tura hma lak mek a nih thu an sawi bawk.
Zana Motor parking chungchang pawh sawiin, vantlang mipui inhriattirna duhthusam a la nih loh avanga tawlhsawn leh a nih thu sawiin, April 1, 2010 atanga hman tan ngei tum a nih thu an sawi. Tin, 1.4.2010 atang chuan khaw chhunga motor park fee hetianga siam a ni:-
Category A huam chhungah darkar 3-ah Rs 30, darkar 3 dangah Rs 15 zel;
Category B huam chhungah darkar 3-ah Rs 20, darkar 3 dangah Rs 10 zel;
Category C huam chhungah darkar 3-ah Rs 10, darkar 3 dangah Rs 5 zel
Chawitir an ni ang.
Department tinin mahni Department motor tan kum khatah Rs 500/- parking fee a hlawma pek tura ruahman a ni a, Department dang an dawr chuan chumite Parkingah a thlawnin an dah ve zel tura ngaih a ni.
Kumin Krismas leh kumthar velah bazar tam zual hun- Dec 23, 24 leh Dec 30,31 ah chuan Zodin Square leh Chanmari inkar hi nilenga no vehicle day atan hman turin ruahmanna siam mek a ni. Vantlang inhriattirna tun aia uar zawka Cable Tv leh Chanchinbu hmanga puan tum mek a ni bawk.
Zana Motor parking chungchang pawh sawiin, vantlang mipui inhriattirna duhthusam a la nih loh avanga tawlhsawn leh a nih thu sawiin, April 1, 2010 atanga hman tan ngei tum a nih thu an sawi. Tin, 1.4.2010 atang chuan khaw chhunga motor park fee hetianga siam a ni:-
Category A huam chhungah darkar 3-ah Rs 30, darkar 3 dangah Rs 15 zel;
Category B huam chhungah darkar 3-ah Rs 20, darkar 3 dangah Rs 10 zel;
Category C huam chhungah darkar 3-ah Rs 10, darkar 3 dangah Rs 5 zel
Chawitir an ni ang.
Department tinin mahni Department motor tan kum khatah Rs 500/- parking fee a hlawma pek tura ruahman a ni a, Department dang an dawr chuan chumite Parkingah a thlawnin an dah ve zel tura ngaih a ni.
Kumin Krismas leh kumthar velah bazar tam zual hun- Dec 23, 24 leh Dec 30,31 ah chuan Zodin Square leh Chanmari inkar hi nilenga no vehicle day atan hman turin ruahmanna siam mek a ni. Vantlang inhriattirna tun aia uar zawka Cable Tv leh Chanchinbu hmanga puan tum mek a ni bawk.
