Home Minister Pu R. Lalzirliana chuan Media leh Law Enforcement inkara boruak tha a awm theih nan Mipui leh Law Enforcement inkar a that hmasak a ngai a, mipui lam atanga tawiawmna tha a awm loh chuan kal a har thin a ti. He thu hi Social Welfare bultuma kartin chanchinbu pakhat Zalen-in dan leh thupek kengkawhtu leh media te thawhhona chungchang seminar vawiina I&PR Conference Hall-a a buatsaih naa a sawi a ni.
Home Minister chuan tunlai khawvel thangchak takah hian Information Technology in hma a sawn chak em em a, chumi avang chuan Media hian kan nun hi a chiah hneh hle a, sakhua, chhungkua leh school aiin kan nunah nghawng a nei lian zawk niin a lang. Nitina kan thil hmuh leh hriatte hian kan ngaihtuahna a kaihruai thui em em a, chutiang zingah chuan Mass Media sulhnu hi a langsar ber a ni hial ang a ti a. Media hian ram hmasawnna kawngah te, hnam inpumkhatna atan te, sorkar inrelbawlna tha zawk neih nan te, kawng dik leh tha inkawhhmuhna kawngah te leh mipui zirtirna kawngah hna tha tak a thawk mek a ni a ti bawk.
Pu Lalzirliana chuan dan leh thupek kengkawhtute pawh tunlai khawvel suahsualna pung zelah thawh tur an ngah sawt dan te, dan leh hrai thar siam anih zel avanga helam kawngah pawh an in tuaihriam ve zel a tul dan te, phutna hrang hrang politics thleng pawha an tawn thin avangin tuboh leh dolung inkara khawsa ang mai an ni tiin Media te nena an inkarah thawhhona tha tak an neih a tul thu a tarlang a ni.
Vawiin seminar-ah hian mi thlanchhuah Pi Lalthansangi Fanai, Criminology subject-a Master Degree dawng hmasa ber, Addl. S.P. Security Pu Lalremmuana leh Pu H. Laldinmawia, The Zozam Times Editor ten an thuziak chhiarchhuakin, Panel - DGP Pu Lalrokhuma Pachuau, Aizawl SP Pu Lalbiakthanga Khiangte, MJA President Pu K. Sapdanga, Editor in Chief, Evening Post Pu H. Zosangliana te kaihhruaiin sawihona hun hman a ni a. Zalen Editor Pu Vanlalrema Vantawl chuan inkhawm hi kaihruaiin Social Welfare Director Pu Vanchungnunga pawhin thu a sawi a. Social Welfare Departmemt kaltlanga dan leh hrai engemaw zat kenkawh mekah Media leh Police department-te tawiawmna an mamawh dan tlangpuite a sawi a ni.
Pu Lalzirliana chuan dan leh thupek kengkawhtute pawh tunlai khawvel suahsualna pung zelah thawh tur an ngah sawt dan te, dan leh hrai thar siam anih zel avanga helam kawngah pawh an in tuaihriam ve zel a tul dan te, phutna hrang hrang politics thleng pawha an tawn thin avangin tuboh leh dolung inkara khawsa ang mai an ni tiin Media te nena an inkarah thawhhona tha tak an neih a tul thu a tarlang a ni.
Vawiin seminar-ah hian mi thlanchhuah Pi Lalthansangi Fanai, Criminology subject-a Master Degree dawng hmasa ber, Addl. S.P. Security Pu Lalremmuana leh Pu H. Laldinmawia, The Zozam Times Editor ten an thuziak chhiarchhuakin, Panel - DGP Pu Lalrokhuma Pachuau, Aizawl SP Pu Lalbiakthanga Khiangte, MJA President Pu K. Sapdanga, Editor in Chief, Evening Post Pu H. Zosangliana te kaihhruaiin sawihona hun hman a ni a. Zalen Editor Pu Vanlalrema Vantawl chuan inkhawm hi kaihruaiin Social Welfare Director Pu Vanchungnunga pawhin thu a sawi a. Social Welfare Departmemt kaltlanga dan leh hrai engemaw zat kenkawh mekah Media leh Police department-te tawiawmna an mamawh dan tlangpuite a sawi a ni.
