Thalfavang Kut Organizing Committee chu vawiin khan Tourism Secretary Pi B. Sairengpuii hovin a pisaah an thukhawm.

Mizo hnamzia pholanna tur leh khualzin te hipna, Tourism chawisanna ni pahfawmin sorkar laipui chuan kum khatah Kut vawi li tal hmang turin Mizoram sorkar a hriattir a, heng kut hmanna tur sum leh pai senso te hi sorkar laipui hian a tum vek a ni. Kumin November 25 leh 26 hian Thalfavang Kut chu a vawi 6-na atan Tourist Resort, Hmuifangah neih a ni leh dawn a. Hun hman dan tur duanlawk tlangpui te vawiin khan Tourism Secretary hovin Organizing Committee member ten an thlir ho.

Ni hnih awh tur he kutah hian lam, zai leh rimawi hrang hrang bakah hnam ziarang pholang thei tur engemawzat en leh ngaithlak tur a awm dawn a. A duh apiang he kut hi chhim turin Organizing Committee chuan a sawm a ni.