Vawiin khan MFA Inter Distict U-16 Football Championship chu Pu A.Biaklawma Addl. DC Mamit chuan a khar a ni.

He kharna hun hi Pu K. Rodala, Vice President Mamit Dist Foot ball Association (MDFA) chuan kaihruaiin, Nl R. Lalnunsangi, Match Commissioner chuan report a pe a ni. Pu A.Biaklawma Addl.DC Mamit chuan kharna thusawiin, Infiam mite chu ei leh in fimkhur a ngai a ni tiin, rilru game ni mahse Football chu thahrui ngai anih avangin tan lak nasat a ngai a ni tiin, Infiamna hi ram leh hnam inpumkhatna pawimawh tak a ni a ti.

Hemi zawh hian Pu Lairokhuma President MDFA chuan lawmthusawiin, Pu Lalnghinglova Hmar Hony.Secy.MFA chuan thusawina a nei bawk. He hun ah hian Vanlalduatsanga S/o V.Sangkunga Mamit, IMG Reliance Sponsored a Florida USA foot ball zir , Lalmuanzova S/o Lalsangzuala Kanhmun,Lalthansanga S/o RT Vula Kanhmun U-14 a India aiawhte chawimawina thilpek hlan a ni bawk.

Final ah hian Mamit District leh Lunglei District ten final hmuhnawm tak an khel chhunzawm nghal a, Lunglei District hian 1 - 0 in Mamit District an hneh a ni.

He U-16 Championship khelna ah hian Red Card 5, Yellow Card 41 phawrh niin, Semi final thlengin Goal 48 a lut a ni.

Champion te hian Trophy,Certificate bakah Medal an dawng a ni.