1. COMMON WRITTEN EXAMINATION FOR PROBATIONARY OFFICER/ MANAGEMENT TRAINEES IN 19 PUBLIC SECTOR BANKS : Institute of Banking Personnel Selection chuan India rama Bank hrang 19 tan PO/Management Trainees lakna tur exam a buatsaih dawn a, dil thei chin chu Mipa/ hmeichhia kum 20-30 inkar, SC/ST te tan kum 35 thleng, dil theih a ni. Diltu chu Degree in any recognized University tih a ni. Exam-ah hian Marks 250 pu, Questions 250 a chhuak ang; hetiangin: Reasoning-50,English- 25, Quantitative Aptitude – 50, General Awareess- 50, Computer Knowledge- 50, English- Descriptive, Essay, Precis, Letter- 25.
Dilna tur Website: www.ibps.in a ni e. Online-a dil nan: March 30 thleng dil theih a ni a; Offline chuan April 7 thleng pawm a ni ang. SC/ST tan Rs 50 leh General (UR)/OBC) tan Rs. 450 Fee pek a ngai.
Mizo lehkhathiam MA/MSc/M.Com tam tak, tute emaw English Medium School-a Rs 6000-10000 inkar vela phar buai mai lovin, pensionable, hotute ban mai theih loh India ram puma hna zahawma ngaih leh tha hi zawm thei turin inchhiar zau te tan dil thuai chi a ni e.
2. STATE BANK OF INDIA-AH Assistant (Clerks) 9500 an la dawn. Mizoram tan bika luh theihna 47 a awm; UR-25, ST-22 a ni e; 2010 khan mi 34 lak an ni tawh a, 34-a 17 kha ST tan, 17 dang chu UR tan a ni; Mizoten an chang vek. Mizorama thawk turin Pawn lam mi an lo lut thei lo. MA/M.Com te pawn dilin, ho taka kum ti-over lo ang u. Graduate-in an zawm chuan Advance two year increment pek nghal zel a ni e.
Dil thei chin: Pawl 12 pass, marks 55% aggregate hmu chin tan a dil theih a, Graduate chu pass naran ber tan pawh dil theih a ni. Dil theih hun: March 26, 2012.Payment of Fees- Rs 50, March 31 thleng pawm a ni. Date of Examinations- May 27, leh June 3, 2012. Aizawl-ah exam theih a ni e.
3. IIT, Roorkee-ah Admission to PG, Ph.D, Post Doctoral hawn mek a ni e. A duh chuan DIPR-ah ngaihven theih a ni bawk e.
4. Army-ah Direct Havildar Education, Group X leh Y dil theih a ni bawk e.Diltu chu BA/BSc/BCA/BCom te chu Group Y-a luh theih a ni a; Group X atan B.Ed Degree neih tel a ngai. Hlawh: Rs 5200+GP 2800+MSP 2000+1400, Gr X tan, Group Y tan Group X Pay 1400 tel lovin a dang zawng chu a inang vek a ni. Group Y te Basic Pay chu Rs 10000, Group X te chu Rs 11400 a ni ang.
Hre chiang duh chuan DIPR-ah zawh fiah theih a ni e.
5. Indian Navy-ah Short Service Commission Officers in Executive Branch(GS) leh Technical Branch, DE 2012 Course: Dil thei chin mipa kum 19.5- 25 inkar, Thiamna lamah- BE chi hrang hrangte tan dil theih a ni. Dil duh chuan 1st April, 2012 ral hmain thehluh tur a ni.
Pay Scale: Rs 15600-37400+GP 5400+MSP 6000 a ni a, Sub Leutenant, Army-a Leutenant nen intluk, lut thar tan Rs 66500 emaw, Rs 83500 emaw an la nghal thei ang; hei hi an appointment a zirin a danglam hret a ni. BE Degree nei, kum 25 la pel lo tan dil ngei chi a ni e.
6. Airport Authority of India-ah hna hrang hrang hetiangin a ruak e: (i) Deputy General Manager - 22 - Rs 36600-3%-62000, (ii) Manager - 156 - Rs 24900-3%-50500; iii) Junior Executive - 390 - Rs 16400-3%- 40500.
Lut tharte hian hetiang hi an hlawh lak dan tlangpui a ni: Junior Executive –in kum 1-ah Rs 5 laks, Manager-in Rs 7.5 lakhs an la phak a; DGM-in kum khatah Rs 10 lakhs vel an hlawh phak a ni.
Hetiang hlawh hmu turin thiamna i nei a ni lawm ni ? Hetiang hna dil thei tur chuan Graduate Degree I neih a, MBA, regular-a zir zo I nih bawk chuan I tan kawng a inhawng e. A hniam ber, Junior Executive pawh hi Mizo zingah pakhat chauh an la awm; tlangval/ nula huaisen, mi taima leh thawhrim inhuam tan dil theih a ni e. Tumna chiah I neih nasat a ngai e. Tling turin inbuatsaih rawh le. Engineering Degree nei tan a tih chi lehzual asin !
Online-a dil tur a ni a, March 28, 2012 thleng pawm a ni a; Fee pek nghal tur a ni e. Gredit/Debit Card nei tan April 1, 2012 thleng pawm theih a ni e.
Diltu chu J.E tan kum 27 tyhleng, SC/ST tan kum 32 chin; Manager tan- kum 32+5 yrs for SC/ST; DGM tan kum 40+ 5 yrs for SC/ST a ni e. An Website: www.aai.aero a ni e.
Lehkhathiam tan chona a ni e.Mizote tana dil tur ber chu Junior Executive 390 hi a ni ang.Dil duh chuan DIPR-ah zawh fiah theih a ni e.
