Staff Selection Commission chuan kumin April 14 leh 21 hian Combined Graduate Level Examination (CGLE) a buatsaih leh dawn a, exam hi chi hnih Tier-I leh II-a buatsaih a ni ang. Tier I hi Screening exam a ni a, chuta tlingte chuan Tier II exam chu July 20 leh 21-ah hmachhawn leh a ngai dawn a ni. Dil duhte chuan Online leh Offline-a dil theih a ni. Online-a dil duh tan ssconline.nic.in emaw, ssconline2.gov.in atangin dil mai tur a ni. Offline-a dil duh chuan Dilna form siamsa hmangin dil theih a ni a, dilna thawnna tur-
Regional Director (NER) Staff Selection Commission,
HOUSEFED Complex, West-end Block, Last Gate,
Beltola Basistha Road, Dispur, Guwahati,Assam-781006.
Online-a en hian Dilna Form leh hriat tur pawimawh a awm sa vek a ni. Dil duh chuan February 22, 2013 ral hmain thawn thlen tur a ni. Online-a dilna hi February 13/15 ral hmaa tihfel vek tur a ni e.
Hlawh: P. B. 2: 9300-34800+GP 4600 chi hi 11 awmin, GP 4200 chi 6 a awm. PB 1:Grade Pay 2800 chi 5 leh GP 2400 chi 5 a awm bawk. Aizawl hi Exam Centre, Code 5701 a ni. Kumtin mi nuai 7 velin an dil thin a,Mizo thalai Graduate ten tlin tumin han bei ve teh u.
Mizo thalai tam tak Central India-a thawk turin han inbuatsaih ula, kaisanna tha tak tak a tam mai. Assistant chi 8, Grade Pay 4600 chi te hi kum 3 hnuah Section Officer Exam tura exam theih a ni. UPSC-in Section Officer lakna tur kumtin Exam a buatsaih thin a ni.Assistant-a tlingte chu Central Sorkar-a Joint Secretary thleng kai theih a ni.
Mizoram chhunga Sorkar hnain mithiamte a daih loh avangin Central Sorkar hnuaia thawk thei turin Graduate chin te han in sangmar ila a duhawm hle mai.
