1. COMBINED MEDICAL SERVICES EXAMINATION, 2012 : UPSC Examination Notice No. 07/2012-CMS Dated 24.3.2012 tarlan angin June 17, 2012 hian Combined Medical Services atan Exam a buatsaih dawn. Dil duh chuan April 23, 2012 ral hmain Online-a dil tur a ni. An website chu: www.upsconline.nic.in a ni e.
Dil thei chin MBBS leh a chunglam, MD,MS, MCh,DM etc, kum 32 aia upa lo, SC/ST te chu kum 5 dang ( 37 thleng) pawm theih a ni. MBBS Final Year Exam tur te, Internship ti turte pawh phal an ni. Hna pek an nih hunah Certificate leh tul dangte an entir (show) theih a ngai. Mizo Doctor, hna nghet la hmu lo tam tak kan awm a sawi a nih avangin, hna la nei lote tan kaisan zelna kawng thui tak in a hawng a ni. Vacancy- 702 zet awm mekah Physical Handicap tan pawh dah a ni.
2. ARMY MEDICAL CORP-AH DOCTOR TAN SSC OFFICER : Armed Forces Medical Services-a thawk turin MBBS tan dil theih a ni. Specialist- MD,MS.MCh,DM te chu duhsakna tha pek a ni. Vacancy- 120 a awm. December 31, 2012-a kum 45 aia upa lo tan dil theih a ni. Doctor Mipa leh hmeichhe tan dil theih ve ve a ni.
Dil duh chuan April 20, 2012 ral hmain, Director General, Armed Forces Medical Services /DG-1A, Ministry of Defence, `M` Block, New Delhi, 110001-ah.
Dilna Proforma siamsa hmangin A4 Papera ziakin thehluh tur a ni. AMC Doctor te hi Army, Navy, Airforce-a a tulna apianga dah theih an ni a, India ram pawnah pawh kal theih a ni e.
Hlawh : Rs 15600-39100+ GP 6100+MSP 6000+ 25% NPA leh allowance dang ten nen, Lut tharin Captain rank-a lutin, an awmna azirin Rs 60000/ 80000 an la nghal thei a ni.
Kum 4 –ah Major, kum 11-ah Lt. Col kai theih a ni. SSC hi kum 14 thlenga pawh sei theih a ni a; kum 2 service hnuah Permanent Commission dil theih a ni. PC dil tur chuan kum 30 aia upa lo, PG tan kum 35 nih thleng dil theih a ni.
Hre chiang duh chuan DIPR-ah zawh fiah theih a ni e.
3. NAVY-AH SAILOR MUSICIAN: Indian Navy chuan Mipa,Matric pass, Oct 1, 1991- Sept 30, 1995 inkara piang, Staff Notation thiam, Musical Instrument engemaw thiam tak tan dil theih a ni. Dil duh chuan Proforma siamsa hmangin A4 paper-a ziakin April 19, 2012 ral hmain dilna thehluh theih a ni.
Dilna chu: The Commanding Officer, (for Director of Music), INS Kunjali, Colaba, Mumbay, 400 005 –ah thawn tur a ni e. Dil duh tan hmanhmawh a ngai. Dilna Proforma hi DIPR-ah en theih a ni e.
Music thiam Mizote hian hlawh tha neih nan Navy-a luh a tha e. Hre chiang duh chuan DIPR-ah zawh mai tur a ni e.
4. Staff Selection Commission buatsaih COMBINED GRADUATE LEVEL EXAMINATIOAN, 2012: Dil thei chin- Degree of recognized University zawng zawngte tan. Dilna chu Regional Director, (NER), Staff Selewction Commission, Rukmini Nagar, PO: Assam Sachivalya, Guwahati, Assam, 781 006.
Dil duh chuan April 27, 2012 ral hmain thawn thlen tur a ni. Written Tier I Exam hun : July 1st, leh 8th, 2012 (Sunday) a ni ang. Hemi a tlingte tan Tier II Exam chu Sept 15th & 16th, 2012-ah a ni ang.
Hna dil theih hrang 14 chu Rs 9300-34800+Grade Pay 4600 chi a ni a, chi hrang dang 4 chu Grade Pay Rs 4200 chi niin, Grade Pay 2800 chi 5 leh Grade Pay 2400 chi 4 an awm.
A chunga hna zawrh te hi DIPR ah zawh theih reng a ni e.
