Committee on Cultivation of Grapes on Commercial Scale in cluster area at Hnahlan, Champhai District chuan tun hnaia sawi hlawh tak chungchangah a hnuai ami ang hian thuchhuah an siam :

“Tun hnaia NEC atanga Hnahlan Grape chingtuten tanpuina kan dawn mek chungchanga Press Statement, chanchinbu hrang hrang leh Facebook a lo langah khan thil hriat kim tawk loh a awm niin a lang a, thil awmdan chu hetiang hi a ni e.

Hemi chungchangah hian keini Grape chung tura thlanchhuahte hian Committee felfai tak dinin VC te leh Horticulture Dept. te nen he scheme hlawhtlinna tur hian hma kan la mek a. Kum kalta 2011 March thla khan GI Wire 100 qtls. leh Leitha 75 qtls. kan dawng tawh a. Tun kum tir 2012 hian Department, VC te leh Committee member te tangkawpin beneficiary te ram zawng zawng en dik a niin, ram neih dan te pawh a hmunah teh vek a ni. Heng Verification te tih zawh hnu hian Department pawhin theihtawp chhuahin GI Wire leh leitha te pawh min sem leh tawh a ni. Hmanrua dang te pawh hnathawh dan milin Department-in sem turin a chhawp chhuak mek zel a. Tin, 3rd installment te pawh awm leh zel thei tura beisei a ni. Chuvangin tanpuina engmah dawng lo anga ziah a ni hi hriatchian tawk loh vang niin a lang.

He Scheme hlawhtlin theih nana theihtawp min chhuahpuitu Horticulture Minister leh Parliamentary Secretary te, bialtu MLA Pu T.T. Zothansanga leh Horticulture Department chungah te kan lawm takzet a ni.”