No.2456/2021-2022

Aizawli, the 2nd October, 2021: India ramin zalenna a hmuh champha kum 75 na lawmna Azadi Ka Amrit Mahotsav hnuaia Swachh Bharat Mission (Grameen) hmalakna kalzelah vawiin khan Champhai District chhung Hnahlan leh Khawbung-ah te Swachh Bharat Diwas hman a ni a, faina kawnga inzirtirna leh hnatlangpui Swachhata Shramdaan neih a ni.

September ni 8, 2021 a Champhai District Water & Sanitation Mission thukhawm thurel bawhzuiin faina kawnga inzirtirna hi District Water & Sanitation Mission member leh Official dangte chu team 2 a inthenin Hnahlan leh Khawbungah Swach Bharat Diwas hi an hmanpui a ni.

Hnanlanah chuan Hnahlan Community Hall-ah Pu Lalremruata Cherput, VCP Hnahlan kaihhruaiin inkhawm tawi buatsaih a ni a. He hunah hian Project Director, DRDA, District Agriculture Officer, District Horticulture Officer, Honorary Wildlife Warden, Settlement Officer leh Veterinary Officer, Hnahlan-te hnen atangin thusawi tawi faina kawnga inztirna lam hawi ngaihthlak a ni a. Pu Vanlallawma Colney, JE, PHED Champhai Project Sub-Division-in lawmthu sawia hun a khar fel hnuah Swachhata Shramdaan faina hnatlangpui khaw chhungah neih chhunzawm a ni.

Khawbungah chuan Swach Bharat Diwas hi Hlakungpui Mual-ah Er. C. Lalhmachhuana, S.E, PHED kaihhruaiin hman a ni a. District Education Officer, Executive Engineer, P&E, VCP Khawbung, District Local Administration Officer leh CDPO, Champhaite hnen atangin faina kawnga tulte inzirtirna thusawi tawi ngaihthlak a ni a. Pu K. Lalhlimpuia, BDO Khawbungin lawmthu sawia hun a khar hnuah faina hnatlangpui Swachhata Shramdaan Hlakungpui mual leh a chhehvel tihfai hnatlang neih a ni.

Vawiin Swachh Bharat Diwas puala hun hmanah hian District Sanitation & Water Mission member-te, VC, NGO leh faina hnatlanga chhuakte an tel a ni.