No.539/2021-2022
Hnahthial the 16th May, 2021 - Hnahthial-a DLTF leh VLTF te chu vawiin khan an Chairman leh District Bawrhsap ni bawk Pu H.Dolianbuaia hovin DC Office Conference Hall-ah an thukhawm a, naktuk (17.5.2021) atanga Ni 24.5.2021 chhunga Total lockdown kalpui dan tur chungchang an ngaihtuah bakah Covid-19 dona kawnga an hmalak tawhna te an thlir ho bawk
Meeting kaihruaitu Pu H.Dolianbuaia chuan Covid-19 do chu thil hautak leh sum tam tak ngai a nih thu sawiin "mi thanhnemngai leh in phal ten tlawmngai taka VLTF duty te hnenah thingpui leh eitur hrang hrang an pe thin tih kan hriaiin lawmawm kan ti hle a, VLTF leh mipuite thawhho thatna vangin kan tun hun hi kan thleng a ni" tiin Hnahthial District chhunga VLTF zawng zawngte hnenah South Tuipui bialtu MLA leh Health Minister ni bawk Dr.R.Lalthangliana'n tanpuina pawisa fai Rs.5000/- theuh a pe chu lawmawm a tih thu a sawi a, "kan tanrualna hian tun hi min thlen a, pawimawh leh pawimawh lo bik kan awm chuang lova, intawiawm tawn vek tur kan ni tih i hre thar reng ang u" tiin State inher ang zelin District pawh inher a tul thu sawiin "kan rorelna ah hian dan bakin kan kal thei lova, inngaihhnathiamna pawh a awm thei lovin Quarantine tur chungchangah pawh kan nem thei lo a ni" a ti.
Meeting-a thurel langsar zualte chu Hnahthial khawpui chhungah bungraw unload tur phurh luh turte chu Zan dar 8:00 leh zing dar 4:00 inkarah phurlutin unload nise, POL, Iron rod leh Brick te erawhchu unload-na tur hmun area VLTF ten ruahmanna siam mai se, an ti. Hnahthial khaw chhungah mi 5 aia tam lo hnathawh phalin khawdang atangin hnathawk tur lakluh erawh rem tih a ni lova, hnathawk turte pawh VLTF-te hnenah phalna lak hmasak tur a ni. Ram lama hnathawk turte chuan Zing dar 9:00 hmain khua an chhuahsan tur a ni a, tlai dar 5 hnuah an lut leh tur a ni. Thawlehni leh Zirtawpni zing dar 5 atanga tlai dar chhungin Eichawp leh chawhmeh lamna hun hawn niin chhung tin aiawhin mi pakhat bak chhuah phal lo nise an ti bawk
He hunah hian DLTF Member Secretary leh Medical Officer ni bawk Dr.Lalrengpuii Ralte chuan CCC Hnahthial Covid-19 hri kai hmeichhe pakhat kum 22 mi Symptom neilo enkawl mek a nih thu tarlangin report a pe a, Pu Bijoy Gurung, Addl.SP Hnahthial pawhin VLTF te nen thawhhona tha tak an neih avangin Police ten harsatna an neih loh thu a tarlang a, VLTF ten an hmalakna hrang hrang tarlangin tun dinhmunah Total Lockdown kalpui avanga chhuanchham an area theuhah an awm hriat ala nih loh thu leh VLTF thenkhat chuan chhungkaw thenkhat hnenah Buhfai leh chawhmeh an pek thu an tarlang bawk a ni
Attachment
- Loading attachment...
