No.538/2021-2022

Lunglei the 16^th May, 2021 – Lunglei Deputy Commissioner Pu Kulothungan A chuan a hnuaia Order hi vawiin 16/05/2021 khan a chhuah a ni:

 Tun hnaiah Tlabung leh a chhehvel ah Covid-19 positive hmuh belh zel a ni a, helai hmun leh a bul hnai te chu mipuite vah tamna hmun anih avangin, helai bul vel hi luh leh chhuah phal lohna hmun (Containment area) atana puan a ngai a.

 Chuvangin, Sawrkar thuchhuak No.B.13021/101/2020-DMR Vol-IV Dt 14.05.2021 Clause A (2) behchhanin he thupek chhuah ni atanga thu leh awm hma chu Tlabung Village Council huamchhung chu Containment area-a puan a ni.

 Containment area-a puan chhungah hian Deputy Commissioner emaw Sub Divisional Officer (Civil) Tlabung ina phalna a pekte, Medical Duty, Security Duty, helai hmuna duty pawimawh nei tura ruatte bak tumah an lutin an chhuak tur a ni lo.