2833/2023-2024

Hnahthial the 23rd November 2023: Vawiin khan DC Office, Hnahthial-ah 29-South Tuipui AC huam chhunga Mizoram Legislative Assembly election 2023 a vote tla te chhiar tur a ruat, Counting Official-te thutna tur ruahmanna hmasa, 1st Randomization of Counting Official neih a ni a. Pu Chuauhnuna, District Election Officer, Hnahthial, Pu Lalvenhima Returning Officer 29-South Tuipui AC bakah Pu Neng Thianlala ,ARO leh SDO (S) ni bawk te, Election Officer Pu Lalbiakfela leh ARO Pi Betty Lalrinfeli te an tel a ni.

South Tuipui AC chhunga vote tla chhiarna tur hi DC Conference Hall, Hnahthial chu ruahman a ni a, vote chhiarna tur dawhkan (counting table) hi a vaiin 9 ruahman niin Postal Ballot chu Returning Officer table a chhiar tura tih a ni. Vote chhiar pui tur a ruat Counting Supervisor, Counting Micro Observer leh Counting Assistant atan mi 46 ruat an ni. Vote chhiar hi thawh thuma(3 round) neih tura ruahman niin Counting Official-te thutna tur tihchianna, 2nd Randomization hi December ni 2 a neih tura ruahman a ni bawk a ni.