2834/2023-2024

Aizawl 23rd November, 2023 : Mizoram Secretariat Service Association (MSSA) te chuan vawiin khan an General Conference vawi 18-na chu Tourist Lodge, Chaltlang-ah an hmang. Dr. Renu Sharma, Chief Secretary chu khuallian niin Pi K. Vanlalrawni, MSS (Rtd) & Ex- President, MSSA chu khualzahawm a ni.

Khuallian Mizoram CS chuan MSSA 18th General Conference hmanpui theia a awm chu a lawmthu sawiin Group A Organised Service lian ber an ni leh an Service Member-ah mipa aia hmeichhia an tam chu thil lawmawm tak a ni a ti a. Sorkar Ministry kalzelna turah MSSA Member te chu inpawimawh hle a, Sorkar inrelbawlna tha a awm theih nana an tha leh zung an thawh tawhna zawng zawngah fakin lawmthu a sawi. Sorkar inrelbawlna-ah mawhphurhna hrang hrang, a bik takin Office Procedures, Finance leh Administration lama an hnathawhte chu chhinchhiahtlak a ni a, Sorkar hmalakna te felfai tak leh a nihna ang taka kalpui a ni thin angin theihtawpa Sorkar thawhpui lehzel tur leh kan hmazawna tihtur awmte rilru zawng zawnga thawk turin a chah a. Communication Skills tipung zel a, kan hnathawhsak mipuite rawngbawlna kawngah leh midang biakbiakna kawngah hmasawn tum lehzel turin a chah bawk. MSSA Moto "Midangte tana rawngbawl (Service to others) a nih angin tumah kalkan lova, rualkhai taka hmasawnna a awm zel theih nana theihtawpchhuah turin a chah bawk a ni.

Khualzahawm Pi K. Vanlalrawni chuan Association Member-te fuihtharna hun a hmang bawk.

Pu K. Lalkroschhuanga, Gen. Secretary, MSSA & DD (Admn.) Dte. of DM&R chuan report pein tun dinhmunah MSSA hnuaiah Sanctioned Post 259 atangin Officer 258 an awm mek a. Kumin chhungin Member thar 13 awmin 18th General Conference-ah hian member 200 vel an tel thei a ni. Pu TC Lalkhuma, Vice President, MSSA & Deputy Secretary, Finance (E) chuan Member thar leh kaisang tharte hmelhriatna a nei bawk a ni.

Vawiin hun hi hlawm hnih, chawhma leh chawhnu hunah then niin chawhma hun hi Pi Betsy Zothanpari Sailo, President, MSSA & Addl. Secretary, EF&CC and H&FW chuan kaihruaiin Conference hmang tura kalkhawmte lawmna thu a sawi a. Pi Zonunthari, Finance Secretary, MSSA & Deputy Secretary, S&YS and Tourism chuan lawmthu a sawi. Chawhnu hun hi infuihtharna, Agenda sawihona hun leh inthlanna hun atan hman niin Pu Zahmingthanga, Sr. Vice President, MSSA & Under Secretary, Home chuan a kaihruai a. Pu H. Vanlalsanga, Treasurer, MSSA & Deputy Secretary, H&FW and Sericulture chuan lawmthu a sawi bawk.