2416/2026-2027

Dated Hnahthial, the 29th September, 2026: Vawiin khan DC Conference Hall, Hnahthialah chhiatna thlen thulha kawng hrang hranga hmalak dan tur inzirtirna ‘‘Training & Workshop of Trainers within Hnahthial District’’ neih a ni a, he hunah hian rikrum thila khawtlang hruaitute mawhphurhna, First Aid chungchangte, State Disaster Response Fund chungchang leh Disaster Risk Reduction chungchangte zir ho a ni.

Training hi District Bawrhsap leh DDMA Chairman ni bawk, Pi K. Vanlalruati chuan kaihruaiin inlawmna thu a sawi a. Engtik hunah pawh, khawi hmunah pawh khuarel chhiatna hi thleng thei reng a nih thu leh a thlen hun tur leh a thlenna hmun tur erawh kan hriat theih loh avangin kan inrin reng a tul thu a sawi a. Kan khawtlang theuh va chhiatna thlen duhna hmun bik kan chhinchhiah a, plan kan siam a tul a ni tiin training hlawk tak hmang turin duhsakna a hlan a ni.

He hunah hian Police Department, Excise & Narcotics Department, NCC Govt. Hnahthial College; Quick Response Team (QRT), Hnahthial Town chhung leh pawna Branch YMA aiawh leh Village Disaster Management Committees (VDMCs) aiawh te an tel a. Pu Zothanmawia Khiangte, Addl. DC; Pu B. Rohluzuala, Pi F. Lalhmangaihzuali, Pu Lawrence Lalhlanthara, SDC leh Prof. Laldinpuia, Centre for Disaster Management at Mizoram University ten he hunah hian training an pe a ni.