2415/2026-2027

Lawngtlai, 29th September 2026: Vawiin khan Lawngtlai Bawrhsap leh Chairman District Disaster Management Commitee (DDMC) nibawk Pu Donny Lalruatsanga chuan Central Young Lai Association (CYLA) hnenah 'Spine Board Stretcher'pahnih a hlan.

Pu Donny Lalruatsanga chuan tangkai taka hman tura lawm taka 'Stretcher' a hlan thu a sawi a. Chhiatna hrang hrang thleng thinah CYLA - ten theihtawp an chhuah thin a, khawtlang nu leh pa nih an tlin em em thin hi an fakawm takzet a ti. District Administration leh CYLA - inkarah thawhhona tha tak a awm thin tih sawiin, a bik takin chhiatna lo thlen thualh pawh thawhhona tha a awm zel a beisei thu a sawi. Bawrhsap chuan CYLA - ten mamawh an neih tam tak zingah 'Spine Board Stretcher' hlan tak chu tangkai taka an hman a beisei thu sawiin, tul anga an mamawhte ngaihtuahpui  zel a nih tur thu a sawi bawk.

CYLA hruaitute chuan Bawrhsap - in an mamawhna hriaa 'Spine Board Stretcher' a hlan chu lawmawm tiin, tangkai taka hman a nih tur thu an sawi a. CYLA leh Bawrhsap inkarah thawhhona tha vawngnun zel an duhthu sawiin, a theihna kawnga CYLA te tanpui zel turin an ngen nghal bawk a ni.

Sline Board Stretcher - hlan tak hi 'Strengthening of DEOC Fund' atanga lei niin, 159 Kg a rit a dawl zo a ni.