535/2024-2025

Hnahthial the 22^nd May, 2024: Lok Sabha MP Inthlanpui neih zawh taka vote chhiar ni tura Election Commission of India in a ruat angin June ni 4 (Thawhlehni) ah vote tla te chhiar a ni dawn a, Hnahthial District Administration pawhin nasa taka inbuatsaih mek zelin chumi inbuatsaihna kalzelah vawiin khan DC Office, Rallangtlang, Hnahthial-ah Counting Official-te First Randomization neih a ni.

Vawiina first randomization neih zawh takah hian vote tla te chhiar tura ruat (Counting official) te thliar fel an ni a, computer hmangin Counting Supervisor-17, Counting Assistant-17 leh Micro Observer-17 thlan chhuah an ni. 2^nd Randomization-ah an duty na hmun tur Assembly Segment theuh thlan chhuah ni leh dawnin 3^rd Randomization-ah an thutna tur table theuh remfel a ni thung dawn bawk. Hnahthial District hnuaia South Tuipui Assembly Segment-ah hian Polling Station 27 awmin kumin MP inthlanah khan vote 16,223 awmah 9088 a tla a, za zela chhutin 56.02 a ni.

Hnahthial District chhunga vote tla chhiarna tur hian DC Conference Hall ruahman a ni a, vote chhiar tura ruat Counting Supervisor, Counting Assistant leh Micro Observer te hi an vaiin 51 an ni. Vawiin randomization-ah hian District Election Officer Pu Chuauhnuna, Addl DC Pu Zothanmawia Khiangte, Election Officer Pu Lalbiakfela te an tel a ni.