536/2024-2025

Mamit 22nd May, 2024 : Vawiin khan DC Office, Taitesena Bukah Mamit District Level Co-Ordination Committee on African Swine Fever (ASF) chu Pu Zoremthara Ralte, Addl DC hovin thutkhawm a ni.

Vawiin meeting ah hian African Swine Fever (ASF) hrilengin Mamit District a kal kan theih nana hmalak dan tur hrang hrangte sawiho a ni a, hri laka kan him theihna tur bakah hian Vawk suat chungchang leh Vawk thi phum leh sawngbawl chungchangte zau taka sawihona neih a ni.

Mizoram hmundanga Vawk hrileng mek ASF hian tun dinhmunah Mamit khawchhung/District ala thlenglo nia hriat a ni a, hrileng laka him theihna tur atana DC Order chhuah tawh, Vawk sa leh a sa atanga thilsiam chhuah reng reng Mamit District chhunga lakluh khapna chu mipui te'n kan ngaihpawimawh thar a, dan bawhchhiate chunga hremna lekkawh dan tur leh thupek kenkawh kawnga hmalak dan turah ruahmanna hrang hrang siam a ni a. Mamit District chhung khawtinah VC Chairman-na hnuaiah NGO-te leh Vawkvulhtu lam atangin Task Force din nise, hrileng avanga Vawk suat ngai a awmin Department lam leh a neitute inberawn chunga hmalak nise tih a ni a. Vawk thi phum leh sawngbawl kawngah hun hmasa lamah a thlanmual bik siam chuan that lohna hrang hrang a neih avangin a hrana thlanmual siam hrih loh nise, vawk neitute'n anmahni hmun awlah phum mai nise, tha takin an phum ngei em tih Village Level Task Force leh Department lam atanga enzui nise tihte rel a ni bawk.

Zawlnuam leh Dapchhuah a Police Duty Check gate-a duty te'n hrileng put darh theihna tur ang chi Vawk lakluh awm thei lakah nasa lehzual a hmalak nise Committee hian a ti bawk.

Meeting-ah hian Committee members te an tel a ni.