537/2024-2025

Dated Serchhip, the 22^nd May, 2024: Lok Sabha MP Inthlanpui 2024 atana vote chhiar hun chu June ni 4, 2024 a lo ni ta a. Serchhip District Election Office chuan vote chhiar turin inbuatsaihna a kal pui mek zel a. Hemi kaihhnawiah hian vawiin khan Strong room hawn a ni a, First Level Checking neih zui nghal a ni.

MP Election atan hian Polling Official ten Poll Day-a an hman tur Electronic Voting Machine engemawzat bakah khawl chhe thut a awm thulha in venna tur thlaveng engemawzat commission tel a ni a. Thlaveng atana EVM dah that, poll day-a hman tak loh te hi Strong Room-ah dahthat niin vawiin chawhma dar 10:30 khan Election Officer Pu Gaston Vanlalhriatpuia leh Senior Micro Observer Pu Robert Zosangliana hovin hawn a ni a. June ni 4 a vote chhiar tura ruat counting official te training na atan heng khawl te hi hman theih tura buatsaih niin vawiin nileng khan EVM Engineer ten First Level Checking an nei a ni.

Serchhip District ah hian vote tla chhiarna tur atan DC Meeting Hall, DC Conference Hall leh E-District Building te chu ruat a ni a. May ni 29 leh June ni 3 ah te Vote chhiartu tura ruat counting official-te hian training an nei ang a. May ni 28 ah hian an awmna tur theuh randomization tihfel tum a ni thung.

Vawiin strong room hawnna hunah hian sawrkar official te bakah Political Party aiawh te leh chanchinbumite an tel a ni.