525/2024-2025

Hnahthial the 21st May 2024: Vawiin khan DC Meeting Hall, Rallangtlang, Hnahthial-ah General Election to Lok Sabha 2024 vote tla te chhiar tura mawhphurhna pek Counting official-te training na a hman tur Electronic Voting Machine (EVM) First Level Checking (FLC) chu Election Officer Pu Lalbiakfela kaihhruainain neih a ni a, District Election Officer, District Bawrhsap ni bawk Pu Chuauhnuna pawhin he hun hi a telpui bawk.

Vawiina neih zawh tak First Level Checking (FLC) ah hian EVM khawl hrang hrang- Voter Verifiable Paper Audit Trail (VVPAT), Control Unit (CU) leh Ballot Unit (BU) te chu uluk taka endik niin khawl siamtu, Electronic Corporations of India Limited (ECIL) engineer pakhat in a enpui a. First Level Checking hi uluk taka neih niin phalna nei chin chiah an lut thei a, Party aiawh kal ten EVM khawl te chu hmet chhinin mock poll an nei bawk. South Tuipui bial chhunga vote tla te tluang taka chhiar a nih theih nan Counting Official te tan training buatsaih thuai tura inpuahchah mek a ni bawk a ni.

Attachment

  • Loading attachment...