526/2024-2025

Dated Phullen the 21st May 2024: Vawiin Chawhma   khan  Pu Lalbiakthanga Khiangte, IPS, IGP(L&O) chuan Phullen Police Beat Post chu  a hawng.

Pu Lalbiakthanga Khiangte IPS, IGP chuan kalkhawmte chibai bukna a nei a,  Phullen chu khaw ropui tak a nih thu sawiin HARHNA thlenna hmasa ber leh Martar hmasa ber neitu anni a, Kristian dan thianghlim a inneihna hmasa ber khua anni bawk a ni, a ti a, chu  chu ropui atih thu a sawi . Kalkhawmte hnenah chuan misual manchhuah kawng ah thawhhona  tha tak an neih a ngaih thu sawiin mipuite chu an beng leh hnar anni ati bawk. Phullen Beat Post a Duty tur Police te chu fuihin Khawtlang tana thawhpui nuam tak leh smart tak anni tur ani a, Police station a lo leng lut tawh chin chu mi mangang tanpui ngai annih tawh thu sawiin , Office dawrtu mipuite lo ngaihsak hle turin a chah bawka. Zurui leh Drug addict te lakah Kut ram mai lo in Dan ang taka che zel tur in a fuih bawk ani.

Saitual SP Pu Pukhraj Kamal Gupta chuan Phullen Beat post chu Saitual District a pian tirh a hawn sawi rik nghal anih thu a sawi a, tichuan hun kal zel in Kum 2023 April thla khan Pu J.Lalmuankima SP laia hawn phalna pek a nih thu a sawi a, ti chuan Kum 2023 May thla atanga Saitual SP hna a zawm atangin a tul ang ang hma la in Phullen VC te nen a tangkawp in Ni 25.1. 2024 khan Phullen Beat Post chu Saitual PS hnuaia function tur a order chhuah anih thu a sawi a. Phullen Beat Post office atan hian Phullen VC te chuan NERLP building chu phal taka an hmantir thu a sawi bawk  a ni. Saitual SP chuan sawi zawm zel in Phullen Beat Post hnuaiah thawktu ASI ho in an vaiin mi 7 an awm thu a sawi a , case tenau investigation leh traffic dan bawhchhia thleng in an khawih theih dawn thu a sawi a, Phullen Khawtlang hruaitu te chu Beat Post bakah hun lo la kal zel turah Police Station tur Permanent Building a awm theih nan a hmalakpui turin a sawm a. Khuallian chu a hun hlu tak senga alo kal avangin lawmthu a hrilh bawk.

Vawiin a Police Beat Post hawnna inkhawm hi Saitual Police Addl. SP, Pu J.Rokima'n a kaihruai a, Phullen Presbyterian Church Pastor Pu K.Lalchhuanawma chuan Hunserh hmanna neiin  Pathian hnena tawngtaina in a hlan  a ni . Phullen VC aiawhten  Phullen Beat Post VC Pass chu Khuallian hnenah hlanna neiin Phullen in Beat Post an nei thei chu Khawtlang hmasawnna liantak a nih thu sawiin NGO ten tha taka an thawhpui tur thu a sawi bawk.