527/2024-2025

Dated Siaha, 21st May 2024: Member of Parliament (LS) inthlanpui 2024  neih zawh taka Vote tla te chhiarna tur atana inbuatsaihna kal zelah vawiin khan DC Office New Building, Siahaah Counting official-ten training na a an  hman tur Electronic Voting Machine (EVM) First Level Checking (FLC) neih a ni a. Pu Vanlalchhuanliana  Election Officer  leh Pu H. Lalbiaknia, SDC bakah party hrang hrang aiawh ten an telpui a ni.

First Level Checking (FLC) ah hian EVM khawl hrang hrang-  Control Unit (CU),  Ballot Unit (BU) leh Voter Verifiable Paper Audit Trail (VVPAT) te chu uluk taka endik niin, EVM khawl siamtu- Electronic Corporations of India Limited (ECIL) atangin engineer pakhat in a enpui a. First Level Checking hi uluk taka neih niin political party aiawh kal ten EVM khawl te chu hmet chhinin mock poll neih a ni  bawk.

Member of Parliament (LS) inthlanpui 2024  neih zawh taka  39- Saiha leh 40- Palak Assembly Segment-a vote tla te hi June ni 4 ah DC Office New Building -ah chhiar a ni ang.