2522/2023-2024

Hnahthial the 27th October 2023: Vawiin khan Hnahthial DC meeting room-ah District Election Officer, Pu Chuauhnuna chuan chanchinthar thehdarhtute Weekly Press briefing a neih pui.

He briefing-ah hian District Bawrhsap Pu Chuauhnuna chuan Hnahthial District in MLA General Election 2023 a hmachhawn tur atana inpuahchahna hrang hrangte thuthar thehdarhtute hriattirin inthlanna felfai tak neih a beisei thu a sawi a, theihtawp an chhuah mek zel thu sawiin Inthlanna felfai a awm theih nana endiktu observer te, Returning Officer te leh Nodal Officer-te bakah police lam te nen pawh thawhhona tha tak an nei mek a ni, a ti.

Hnahthial District-ah hian 29-South Tuipui Assembly Constituency awmin, candidate 3 an awm a, independent candidate an awm lo a ni. Vawiin Press Briefing neihah hian District Bawrhsap, DIPRO leh press mi an tel a ni.