1566/2026-2027

Dated Hnahthial, 29^th July 2026: Vawiin khan District AIDS Prevention & Control Committee leh Mizoram State AIDS Control Society hmalakna in District Level Red Ribbon Quiz Competition buatsaih a ni a, Hnahthial DC Pi K Vanlalruati chuan khuallian niin hun a hmanpui. He Quiz competition-ah hian Presbyterian English School pakhatna niin August thla a State Level Red Ribbon Quiz Competition, Aizawl-a neih turah Hnahthial District aiawhin an tel dawn a ni.

Bawrhsap chuan vawiin intihsiakna kaltlanga AIDS chungchanga hriatna an dawnte chu tangkai taka hmang tur leh huntha an neih te chu tha taka hmang turin zirlaite a fuih a. Dr Lalnunziri, District AIDS Control Officer chuan quiz intihsiakna buatsaih a nih dan te sawiin zirlai lokal zawng zawngte hnenah an thil hriatte chu an nun kaihruaitu atan hmang tur leh midangte zirtirtu nih tum theuh turin a fuih a ni.

Quiz hi School level-ah lo buatsaih tawh niin vawiin hian District huapin School Level-a titha sawm (10) te an intihsiak a ni. School pakhat atangin zirlai pahnih zel intihsiaknaah hian telin vawiin result chu a hnuaia tarlan ang hi a ni.

1^st Prize                 :         Presbyterian English School, Hnahthial.

2^nd Prize                :         Govt. Hnahthial High School.

3^rd Prize                :         Moriah Public School, Hnahthial.

Consolation Prize :         Moriah Higher Secondary School, Hnahthial.