1565/2026-2027

Saitual, the 29th July, 2026: Vawiin khan District Panchayat Resource Center Auditorium, Saitualah Rashtriya Gram Swaraj Abhiyan (RGSA) hnuaia Saitual District Panchayat Resource Center chuan Saitual District huam chhunga Village Council-te tan ni thum chhung awh tur training an buatsaih a, District Local Administration Officer Pu V. Laldinsanga’n training hawnna hun a hmanpui.

Head Faculty Pi Laldinmawii chuan hun hmangin Village Council-te tan a remchan dan ang zela sawrkar thuchhuak angin online leh offline-a training kal pui an tum thu a sawi a. Additional Programme Officer Pu Robert Lalnuntluanga Tlau hovin VB-G RAM G chungchang zir hona leh sawihona hun hlawk tak an hmang bawk.

He training-ah hian DPRC Head Faculty Pi Laldinmawii leh Additional Faculty Pu Lalliansanga-ten khawtlang hmasawnna tur atan heng Own Source Revenue (OSR), Solid Waste Management Rules, 2026 leh Village Prosperity Resilience Plan chungchang sawiin, Own Source Revenue (OSR) hi sawrkarin mahnia din chhuah  theihna tur atana a buatsaih pawimawh tak a ni tiin , Central Grant ringawt nghak lovin kan ram chhunga Tax leh Non-Tax hmanga sum thawh chhuah theih hi hmasawnna kawng min hawn saktu a nih zia an sawi lang bawk. Bawlhhlawh thliar hrante hi kan tu leh fate tan khaw thianghlim leh hrisel zawk kan hnutchhiahna leh kan chhehvel vawnhimna bul ber anih thu sawiin, khawtlang hmasawnna dik tak chu hnuai lam atanga bul tan leh mipui rawngbawlna atangin a piang thin a ni tih an sawi bawk a ni.