1564/2026-2027

Dated Aizawl, the 29th July 2026 : Vawiin khan Subject Committee-V, Mizoram Legislative Assembly chuan, Chairman Pu Lalramliana Papuia kaihhruainain Aizawl Smart City Ltd. hnuaia enkawl ‘Common Biomedical Waste Treatment Facility’, Tuirialah spot visit neiin an hnathawhte an endik.

He spot visit-ah hian Subject Committee-V Members MLA-te, Pu Lalchhuanthanga, Pu H. Lalzirliana, Lt. Col. Clement Lalhmingthanga leh Pu R. Rohmingliana-te telin Assembly Secretariat, ASCL Officials-te leh a hmuna hnathawkte nen inkawmhona an nei a. Committee hian he Facility-ina a hnathawhte hi tangkai an ti hle a ni. 

April ni 1, 2025 atanga March ni 31, 2026 chhungin he Treatment Facility hian biowaste 2,99,170 kgs lakhawmin a sawngbawla, population leh hmasawnna thang zelah biomedical wastes a pung zel dawn a, hmasawn zel turin Committee chuan fuih bawk a ni.