Nimin chawhma dar 11:00 khan Zofa Run, Lungleng, Hnahthial-ah South Tuipui Cluster huam chhunga Commerce and Industries leh Soil & Water Conservation Department hnuaia NLUP dawngtute hnenah tanpuina sem chhuah a ni a, he hun hi Pu Zathangliana, District NLUP Co-ordinator, Lunglei District chuan khuallian niin a hmanpui a, vawiina NLUP semchhuah hi a vaiin Rs. 25,33,100.00 a ni.

He hun Pu F. Lalsawmliana, IPO DIC Lunglei kaihhruai-ah hian thu sawiin Pu Zathangliana chuan NLUP dawngtu te chu an pawisa dawn a nih dan tur taka hmang turin a chah a. NLUP duan chhuah chhan chu chhungkaw chawmna tur atan a ni tiin, vawiina an pawisa dawn hmang hian nakin thlenga an inchhunga pawisa a luh theihna tura ruahmanna an siam thiam a tul hle dawn a ni, a ti. District NLUP Coordinator chuan NLUP hi a hlu-a, a dawng thei nih hi a lawmawm hle a ni tiin beneficiary-te chu NLUP dawn a lawmawm zia hre thar leh turin a fuih a. Beneficiary-te chu technical report-a an tih tur tarlan hrang hrang te ngai pawimawh a, an mawhphurhna hlen chhuak ngei turin a chah bawk.

Commerce and Industries hnuaiah hian 3rd Phase 3rd instalment trade chi hrang hrang Bakery, Blacksmithy, Chow Making, Electric Repairing, Handloom, Petty Trade-I leh Tailoring-ah dawngtu mi 46 hnenah Rs. 13,65,000/- leh 4th Phase 2nd Instalment-a trade Automobile Works, Carpentry-I, Carpentry-II, Desktop Publishing, Electronic Repairing, Petty Trade-I, Shoe Repairing leh Tinsmithy dawngtu mi 24 hnenah Rs. 10,78,100/- leh Soil & Water Conservation Department hnuaia Coffee thlang tu mi 3 hnenah Rs. 90,000 avaiin Rs. 25,33,100.00 sem chhuah a ni.