Vawiin khan Govt. Champhai College Seminar Hall ah Champhai District Disaster Management Authority huaihawtin School Safety Programme chungchangah ni 2 awh tur training buatsaih a ni.

He training programme hi Pi Lalsangpuii Hmar, Addl DC Champhai chuan a hawng a, hawnna inkhawmah hian thu sawiin tunlai khawvelah chhiatna chu khawvel hmun hrang hrang ah a thleng nasa a hei hi Mizoram ah pawh a thlen reng theih thu a sawi a ni. khuarel chhiatna chu dan vek theih nilo mahse engemawchen chu a tawrhnep nan mihringte hian tihtheih leh tihtur kan nei a ni a ti. Mizoram chu lirnghing na tak thlen theihna hmun ani tih chu tlang hriat a ni a hemi kawnga lo inpuahchah leh kan tawrhna te a lo nep deuh theih nan kan in leh sikul sak dan te pawh hian a zir a tul a , hmun him leh sak dan him chu kan ngaihpawimawh a tul thu a tarlang a ni. Hemi bakah hian Mizoram a chhiatna hluar tak leimin te pawh hi a tam zawk chu kan tuichhe paihna leh kawr vel kan uluk loin kan thenfai that loh vang a nih thu a sawi a heng leimin tamtak te pawh hi kan dang theiin kan veng thei a ni tih a tarlang bawk. Pi Lalsangpuii chuan kalkhawmte chuan an  hlawkpui ngei a beisei thu a sawi a ni 2 awh tur inzirtirna hun chu chhawr tangkai turin duhsakna a hlan bawk a ni.

Pu PC Zoramthara District Disaster Management CoOrdinator chuan kalkhawmte hnenah zirtirna a pe a, Disaster chi hrang hrang a awm thu tarlangin kan hriat tlanglawn tak leimin, lirnghing leh tuilian te bakah hian sikula thleng thei Disaster hrang hrang Food Poisoning, Kidnapping leh Sikul Building kang te pawh hmun  hrang hranga a thlen fo thu tarlangin hengte hi Mizorama sikul te ah pawh a thlen theih thu a sawi a. Kalkhawmte chu heng chhiatrupna laka inven dan leh tawrhna lo tihnep dan tur  leh hliam leh mithi te lo bawisawm dan chungchangah te zirtirna a pe a ni.

He Training Programme hi Champhai Khaw chhunga Sikul hrnag hrang zirtirtute tan buaisaih a nih ang in zirtirtu thahnem tak an tel a ni.