4598/2023-2024

Hnahthial the 16^th April, 2024: Kumin Lok Sabha MP inthlana 29-South Tuipui Assembly Segment-a duty tur polling official (Presiding Officers, Assistant Presiding Officers leh Polling Officers) te pualin vawiin khan Government Hnahthial College-ah training thawh thumna leh a tawpna tur buatsaih a ni.

Vawiin training-ah hian poll day-a hriattur tul leh pawimawhte ngaihthlak ho a ni a, District Level Master Trainers (DLMT)- Pi Betty Lalrinfeli, Pu R Vanlalruata, Dr Hmingthanzuala leh Dr Lalrinpuia Vangchhia te chuan topic hrang hrang hmangin hrilhhriatna an nei a, election form chungchang te, Polling official-te mawhphurhna te, EVM chungchangte training pein polling official-te chu an hna chanpual theuhah fimkhur tak leh urhsun taka thawk tura ngen leh hriattir an ni bawk.

29-South Tuipui Assembly Segment huam chhunga Polling Station 27 a duty tur polling official-te hi an vaiin 132 niin Presiding Officer 33, Assistant Presiding Officer 33 leh Polling Officer 66 an ni a, training thawh khatna hi 27^th March khan buatsaih niin April ni 8 khan thawh hnihna buatsaih a lo ni tawh bawk. Polling official duty tur te hi April ni 18 hian Bawrhsap pisa tual zawl atanga vailiam an ni dawn a ni.