4597/2023-2024

Dated Saitual the 16th April, 2024: Vawiin khan Saitual DC, Dr Lalngura Tlau chuan Saitual a Unique Polling station chu a hmunah tlawh in a endik.

Dr Lalngura Tlau chuan Lok Sabha MP inthlan chu MLA inthlan ang tho a mipui in an hlut a pawimawh zia sawiin , voters te hipna ni pahfawma zirtirna nei, unique polling station ruahman a ni chu a lawmawm a tih thu sawiin mipui ten tangkai takin an hman a beisei thu a sawi.

Saitual a Unique Polling Station hi Saitual District Election Office in an buatsaih niin Vote thlakna atana mipui hip tur leh theme- thupui nei bik a sak a ni a. A hmun hi Saitual Primary School 2 ah niin, he Unique Poling Station hian water and ecological conservation tih chu thupui a neiin mipui te vote an thlak pah a tui leh kan chhehvel a ramngaw te humhalh duhna thinlung an put theih nan a awmze nei taka duan a ni.

A sakna atan hian mau leh hlum te hmangin photo booth te ,chawlhbuk leh thutna te siam a ni a, vote thlak turte chu mauthei hmanga tui inna tur siam  sak an ni a. Tin tui awmna leh awmlohna hmun in a ram leilung a tih danglam dan entirna 3D Model hmanga ram lem siam a ni a, hei hian tlawhtu a ngah nghal hle bawk a ni.  TV a vote thlak tur ten an nghah pah a tui renchem dan inzirtina en theih tura ruahman a ni bawk.Heng bakah hian  vote thlak leh tui leh ramngaw humhalh tura intiamna signature pekna tur board dah a ni bawk.