81/2024-2025 

Hnahthial the 8th April 2024: Lok Sabha inthlanpui lo thleng tura 29-South Tuipui (ST) Assembly Segment huam chhunga mawhphurhna hrang hrang chelhtu Polling officials-te tan vawiin khan Govt Hnahthial College, auditorium-ah training buatsaih a ni a, District Level Master Trainers ten he inhrilhhriatna thawh hnihna hi an pe a ni.

Second training, vawiina neihah hian Project Director, DRDO Hnahthial Dr Malsawmtluanga Fanchun, Nodal Officer for Training ni bawk chuan kalkhawmte chu training hlawhtling tak nei turin duhsakna a hlan a, inthlanpui chu fimkhur ngai em em thil a ni a, tihsual hlekah service matters pawhin a tuar phah theih thu sawiin fimkhur theuh turin leh hriatthiamloh emaw hriatfiahloh emaw nei tan zawhna zawt hrehlo turin a chah. Kalkhawmte chu a hma lama inhmakhua theihna awmah inhmakhua lawk turin a chah a, vote thlak ni-ah felfai taka poll khar a nih theih nan leh tul lova hun khawhral a nih loh nan theihtawp chhuah turin a chah bawk. Vote thlak ni-a mock poll neihna tura tul leh pawimawhte a sawi a, vote thlak tan hma minute 90 ah tan tur a ni tiin mock poll zawha clear hmeh hmaih lo turin leh VVPAT a mock poll slip te chu phawrh leh vek a, seal hmaih miah loh tur a nih thu a sawi bawk a ni.

Hnahthial District Level Master Trainers pali - Pi Betty Lalrinfeli, Pu Vanlalruata, Dr Hmingthanzuala leh Dr Lalrinpuia Vangchhia te chuan topic hrang hrang- General Election Process/Poll Star, Role, Responsibilities & duties of PRO/PO, Election papers, forms & sealing, Handling of EVM/VVPAT tih thupui hmangin vawiin training hi an pe a, EVM/VVPAT hands- on training nei bawkin training thawh thumna hi April ni 16 a neih leh tura ruahman  a ni.