82/2024-2025 

Dated Aizawl, the 8th April 2024: Mizoram Police leh NIT Mizoram-te tawngkawpiin a an buatsaih, ni thum awh tur, National Level Hackathon event – “Hackventure 2.0” chu vawiin khan Mizoram DGP, Pu Anil Shukla, IPS chuan Arya Mess, PHQ-ah a hawng.

He hunah hian Pu Anil Shukla chuan Hackathon event hi Mizoram police-te leh mipui inkara inkungkaihna tha zawk siamna tur atan mai bakah tunlai thiamna thar ber ber hmanga kawng hrang hrang a police hna pui theihna tur atana thalai ho thiamna, finna leh hriatna sawr chhuah a hman chhuah theihna tura buatsaih anih thu a sawi a. Police hnaah chuan data kaihnawih thil a tam avangin database mumal leh tha zawk neih nan leh sualna tam zawk pumpelh anih theih nan he hun buatsaih kaltlang hian technology chu tangkai zawka hman dan duan chhuah anih theih ngei a beisei thu sawiin NIT, Mizoram nena thawhona tha tak an nei thei chu lawmawm a tih thu a sawi bawk a ni.

He hun khuh hawnna hi Pu Neihchungnunga,IPS, IGP(Hqrs) chuan neiin Prof. S.Sundar, Director, NIT chuan thusawi tawi a nei a. Mizoram Police nena technology lama hmasawn nan thawh ho an phur thu sawiin ka rama thalai ho chu police-te buaina tamtak phuhruksak thei tura an pawimawh thu a sawi bawk.

“Hackventure 2.0” hi Mizoram Police leh NIT Mizoram-te tawngkawpiin a an buatsaih Hackathon vawi hnihna niin he event-a tel tura sawmna hi India ram NIT zawng zawng mai bakah Mizorama engineering institution hrang hrang hnenah thawn chhuah a ni a. He hun hi 8th April,2024 – 10th April, 2024 chhunga neih tur niin a event hrang hrang te chu a hnuai a tarlan ang hi a ni.

1.    Online Quiz on Cyber Security

2.    Talk on emerging cyber security scenario by expert from I4C, MHA

3.    Development of IT solution for the following 4 pre identified problem statements:

i)    Automated Check Gate Management System

ii)    Chat Bot for Mizoram Police

iii)    Social Media Monitoring Tool

iv)     Crime Dashboard

4.    Idea Pitching Contest – Solutions to improve policing wherein a working model/prototype is to be developed.

He Hackathon thil tum ber chu IT product, Mizoram Police-in an mawmawh tur duan chhuah niin he contest hian Police tana tangkai tur, IT lama ruahmanna mai bakah idea hrang hrang tuai hnum a hman tak tak theih tur chher chhuah a tum a ni.