3278/2023-2024

Hnahthial the 8th January 2024: Sawrkar laipui scheme hrang hrang inhrilhhriatna campaign Viksit Bharat Sankalp Yatra (VBSY) chu Hnahthial District chhunga khaw hrang hrangah neih a nih hnuin vawiin khan a tawpna hun hman niin khar nghal a ni.

Vawiin hun hi Hnahthial N-1, Hnahthial S -II ah leh Hnahthial S-III ah te hman niin Information, Education & Communication (IEC) van nen inhrilhhriatna hun hman a ni a, sawrkar laipui scheme hrang hrang enkawltu department-te bakah VC leh NGO aiawhte an tel a ni. Sawrkar department enkawtu tên an department chanpual scheme theuhte mipuite hma ah hrilhfiahna neiin scheme duan a nih ang taka tangkai taka hman a nih theih nan he hun hi hman a ni a, mipui tam tak nên hun hlawkthlak tak hman ho a ni. Vawiin vek hian Viksit Sankalp pualin medical check up neih nghal niin a hnuaia tarlan hi vawiina medical report dinhmun a ni:

Hnahthial North I
Screening-32
BP Hypertension-3
Diabetes-2
Ayushman Bharat-3

Hnahthial South II
Screening-38
BP Hypertension-4
Diabetes-3
Ayushman Bharat-2

Hnahthial South III
Screening-54
BP Hypertension-11
Diabetes-4
Ayushman Bharat-3 te an ni.