3277/2023-2024

Mizoram State Sorkar Notification No.B.12021/10/04-TRP Dt.22.8.2008 leh Section 115&117 of MV Act, 1988-in thuneihna a pek angin Sr. Superintendent of Police, Traffic Aizawl  chuan a hnuaia mi ang hian thupek a chhuah.

PWD Aizawl Road North Sub-Division III te’n Vaivakawn Zohnuai peng; leiminna lai siamthat hna (junction improvement) chu ni 9.1.2024 (Thawhlehni) chawhma Dar 10:00 atangin ni 20.1.2024 (Inrinni) thlengin an thawk dawn a, Vaivakawn Zohnuai peng atanga Ropaiabawk via Vaivakawn Thlanmual kawng hi lirthei engmah tlan tlang theih lova khar (fully block) a ni dawn tih mipuite kan inhriattir e. Tin, hnathawh tibuai thei turin hnathawhna bul hnaiah lirthei leh bungrua dah/park phal a ni lo.

He thupek  zawm lo chu Section 179 MV (Amendment) Act, 2019 hmanga hrem theih an ni.