3100/2023-2024

Hnahthial the 18th December 2023: Sawrkar laipui scheme hrang hrang inhrilhhriatna campaign, Viksit Bharat Sankalp Yatra (VBSY) chu vawiin chawhma dar 11:00 khan Hnahthial District tan Hnahthial North-II-ah neih tan a ni. Khuhhawnna campaign vawiina neih hi Hnahthial District Viksit Bharat Sankalp Yatra (VBSY) Nodal Officer Pu Neng Thianlala , SDO (Sadar) chuan a hawng a, chawhnu lamah Hnahthial South-I-ah neih chhunzawm leh nghal a ni.

VBSY hman tanna inkhawm Bazar tuala neihah Hnahthial District VBSY Nodal Officer Pu Neng Thianlala, SDO (Sadar) chuan Sorkar laipuiin mipuite tan scheme tha tak tak a duang a, a chhawr tur mipui ten an hriat chian tawk thin loh avangin chhawr tangkai a nih loh thu sawiin VBSY chu sorkar laipuiin a rawn ruahman phah thu a sawi. He campaign-ah hian sorkar laipuiin scheme a kalpui hrang hrang nihphung hriatchian duh nei te tan line department-te zawh tur an awm dawn a ti a,mipui ten hlawk taka hmang tangkai theuh turin a chah a ni.

Vawiin VBSY campaign khuhhawnna-ah  hian sorkar laipui scheme kalpui enkawltu line department hrang hrang, PHED, ICDS, Fisheries, Health Department, P&E, UD&PA, Bank leh Gas Agency te an tel a, health department in RSBY inziahluh theihna hun a hawn bakah kum sawm thum (30years) chung lam hriselna endikna an nei bawk a ni.