3099/2023-2024
Dated Aizawl, the 18th December, 2023: Vawiin khan National Highway & Infrastructural Development Corporation Limited (NHIDCL) Regional Office; Aizawl Executive Director Pu Vivendra Takhar chuan Chief Minister Pu Lalduhoma chu a pisaah hmuin lawmpuina a hlan a, Mizorama an hnathawh tlangpuite hrilhin hmalak zel dan turte an sawi dun.
He hunah hian Chief Minister chuan, an kawng siam mekah te kawngin a paltlang khaw chhung kawngte ngai pawimawha hna hmasaa nei thin tura a duh thu a hrilh a, an hnathawh mek tikhaihlak thei (pending) thilte a awm a nih chuan chak taka bawhzui tura hrilhin sawrkar pawhin theihtawpa a puih tur thu a hrilh a ni. Soil bank atana hmun thlanah chauh an leivungte paih a, ramngaw leh nungchate himna chu ngai pawimawh hle turin a chah a. An soil bank-ah te duhdah taka leivung hnawl khawm emaw hnawl liam mai lovin mawi tak leh mam taka umzui a, park atan pawha hman zui tlaka duang turin a ngen a ni. Ramin hma a sawn zel theih nan kawngpui tha kan mamawh a, in hnathawhte a thain a rintlak ngei tur a ni, a ti bawk.
He hunah hian Pu Vivendar Takhar, Executive Director, NHIDCL, Mizoram chuan powerpoint presentation hmangin Mizoram chhunga an hnathawh hrang hrang te sawifiahna a nei a. Chief Ministerin a ngaihpawimawh a sawite chu tihhlawhtlin ngei an tum tur thu an tarlang a ni.
